Tuesday, November 30, 2010

SANA FACEBOOK KA NA LANG, KALIKASAN!

Sana Facebook ka na lang kalikasan
para lagi kang bibisitahin, laging titingnan
at pahahalagahan.

Sana facebook ka na lang kalikasan
para di ka makararanas na mapabayaan,
saktan at iwanan.

Sana facebook ka na lang kalikasan
para kahit mag-send ng message
ang mga jejemon at mangamusta,gaya ng
“eow phou kalikasan, mouzta kqa nah phou?”
ay may maisasagot ka sa kanila na:
“Mabuti naman, ito masarap pa rin ang pakiramdam.”

Sana facebook ka na lang kalikasan
para kapag binisita at binuksan ka,
makikita sa application mo ang mga larong Farmville at Pet Society.
Maraming malilibang sa‘yo,
malilibang sa pagtatanim,pagbubungkal, at pag-aani.
Hindi ka hahayaang makalbo at maubusan ng pananim.

Sana facebook ka na lang kalikasan
tulad din sa Pet Society, aalagaan nang husto
ang mga hayop at hindi hahayaang maubos.
Sana facebook ka na lang kalikasan… sana…

Sana facebook ka na lang kalikasan
para kahit may mag-post sa wall mo
at magtanong kung ano ang nagiging problema mo,
ang maisasagot mo ay parang pang-miss universe na sagot,
“I don’t have any major major problem.. that’s all, thank you!”
Haaay…sarap sanang pakinggan.

Sana facebook ka na lang kalikasan
dahil nakakaawa ang kalagayan mo sa kasalukuyan,
tila isa ka sa mga hostage victim sa Quirino Grandstand
at naghihintay na lang ng kamatayan.

Sana facebook ka na lang, kalikasan!

Friday, November 19, 2010